“Negun cashmere” сүүлийн үед нэлээн олны анхааралд өртөөд буй. Гаргаж буй донж загвар, ур хийц, чанар чансаагаас гадна маркетингаараа хүчтэй байгаа нь цөөхөн монголчуудад хурдан хүрэх шалтгаан болсон. Тэгвэл энэ байгууллагын нууцлаг эзэн нь УИХ-ын дарга Г.Занданшатарын гэргий Г.Отгонгэрэл юм байна. Г.Отгонгэрэл өөрийн үеэлтэйгээ хамтран энэхүү кашмерийг гаргадаг гэнэ лээ. Г.Занданшатар даргын гэргийн хувьд тэрбээр хэд хэдэн албан айлчалд явж байсан. Мөн ковидын үеэр ХӨСҮТ-д 20 сая төгрөг хандивлалаа гэдэг мэдээ сайтуудаар нэлээн явсан. Саяхан шинэ хамбыг суудалд нь залах ёслолд мөн Г.Занданшатар даргын хамт Төв ганданд зочилсон билээ. Дөрвөн хүүхдийн ээж тэрбээр БЗС-ийн сангаас хүүхдүүд нь болон нөхөр нь суралцсан гэдэг асуудалд бүгдийг эргүүлэн төлсөн гэдэг байр сууриа хатуу илэрхийлсэн. Мөн амьтны арьсан шуба зэргээс татгалзсан тухайгаа ч олон нийтэд хүргэж байсан. Хүүхдүүд нь гараас гарч, сургууль, амьдралын захад хүрч эхэлсэн учраас Зандка даргын эхнэр ийнхүү нийгэмд идэвхитэй оролцож, ажил үйлсээрээ манлайлж эхэлсэн байна.
