“Гоёл-2024” наадмын “Шилдэг загвар өмсөгч”-өөр Н.Ану тодорлоо. Сүүлийн зургаан жил “Гоёл”-ын тайзнаа алхаж буй түүнийг топ моделийн дайтай Шилдэг загвар өмсөгч боллоо хэмээн загварынхан үнэлж байна. Тэрбээр 2015 онд Азийн супер модель шагнал хүртэж байсан юм. “Монгол модель” агентлагийн гэрээ загвар өмсөгч Н.Ану туушдаа загварын тайзнаа алхаж буй моделиудын нэг билээ.
Түүний гаргасан амжилт: 2010 онд ШУТИС-ийн “Шилдэг загвар өмсөгч”, 2011 онд “Face of Mongolia” наадмын шилдэг модель, 2013 онд “Miss International” тэмцээнд оролцож “Missosology” онлайн сэтгүүлээс нэрлэсэн Шилдэг загварын алхаатай мисс, “Miss Mongolia-2013” тэмцээний тэргүүн мисс, Манжуурын мисс 2014 наадмын Тэргүүн мисс, 2015 онд Азийн супер модель шагнал, “Super Model International” наадмын шилдэг фото модель.
