Хөдөлмөрийн баатар, олимпийн аварга, MYOX ны Ерөнхийлөгч Н.Түвшинбаяр дотны найз, улсын начин Э.Энхбатыг зодсон хэрэг гарсан.
Э.Энхбатын биеийн байдал хүнд хэвээр унтуулга хийлгэсэн байдалтай хэвтэн эмчлүүлж байсан бөгөөд өнөөдөр /2021.04.12/ 12:00 цагт Hunnu air компанийн онгоцоор БНСУ руу авч явсан.
Э.Энхбат начны эмчилгээний зардалд ард түмнээс хандив цуглуулж байгаа билээ. Мөн Н.Түвшинбаяр аваргын зүгээс ямар нэгэн дэмжлэг үзүүлсэн эсэхийг Н.Түвшинбаяр аваргын өмгөөлөгч Л.Данзанноров “Өнөөдрийн тусгай нислэгийн зардалыг төлсөн. Мөн БНСУ – д очоод хэвтэн эмчлүүлэх тул эмчилгээний зардлын урдчилгааг эмнэлэгийн дансанд нь байршуулсан. Хоёр талын ар гэр хоорондоо холбоотой байгаа. Цаашид ч шаардлагатай эм, эмчилгээний зардлуудыг төлнө. Н.Түвшинбаяр аваргын тухайд Э.Энхбат начны биеийн байдалд сэтгэл зовнисон байдалтай байна” гэсэн мэдээлэл өгсөн байна.