Энэ сарын 22-ны өдөр өсвөр насны хүү бусдын гарт амиа алдсан харамсалтай хэрэг гарсан байна.
Тодруулбал, Хөвсгөл аймгийн Түнэл суманд 14 настай хүү бусдад зодуулсны улмаас нас барсан байжээ. Хүүгийн толгой болон хөлний хэсэгт олон тооны хөхрөлт зулгаралт байсан гэх ба түүнийг хүргэн ах нь зодож, амь насаа алдахад хүргэсэн байж болзошгүй нөхцөл байдал тогтоогджээ.
Улмаар хүүгийн амь насанд хүрсэн хэргээр 22 настай Н гэгчийг саатуулсан байна. Шүүхийн шинжилгээний урьдчилсан дүгнэлтээр талийгаач хүүгийн таван хавирга хугарсан, хүнд гэмтлийн улмаас зүрх нь зогсож амь насаа алдсан гэжээ. Энэ хэргийг Хөвсгөл аймгийн цагдаагийн газарт үргэлжлүүлэн шалгаж байна.