Эр хүн туг ч барина, тугал ч хариулна гэгчээр юм юм үзэж яваа О.Мөнхжин “Ганц”-аас гарч ирснээсээ хойш нам жимхэн амьдарч буй. Койны асуудал нь дэвэрч, Монгол Улсын хэмжээнд асуудал үүсгэн хохирсон иргэд ч хэдэн мянгаараа олширсон. Энэ бүхэнд түүний буруу ч бий, алдаа оноо ч байсан. Ямартай ч хийсэн хэрэг нь шийдэгдээд асуугдаад явж байгаа нь тодорхой. Мөн “Их бит” ХХК-ийн хувьцаа эзэмшигч О.Мөнхжин, түүний гэргий Н.Цолмон нар БЗС-аас 358 мянган доллар авч, Америкт сургуульд сурсан нь ч тодорхой болсон. Өрөө төлөөч ээ гэж хашгирах залуус ч олон бий. Толгой уг нь сайтай тэрийгээ хэрхэн зөв ашиглаж, улс эх орондоо өгөөжтэй байх вэ гэдэгт л анхаармаар юм шиг. Сэргэлэн нь дэндсэн О.Мөнхжин “аавынд” чамгүй юм үзэхийн зэрэгцээ мэдээж амаа хамхиулах тал дээр нэлээн дарамт авч байж, ам тангарагаа өгч байж гарч ирсэн болов уу. Тиймдээ ч тэрбээр нам жимхэн буй. Сүүлд гэргийтэйгээ бусад залуусын адил “жаргаж” яваад манай дуранд өртжээ. Хүн л юм чинь амьдармаар, бусдын хийдгийг хийж, дурладагт дурламаар л байна шүү дээ.
