Ковидийн шинжилгээтэй холбоотой өч төчнөөн асуудал гардаг ч тэр бүр шийдэгдсэн дорвитой үйлдэл байдаггүй. Гэвч энэ удаа өөр хүний өмнөөс шинжилгээ өгөх, цаашлаад хариу худалдаж авдаг зэрэг маш ноцтой асуудлууд ар араасаа хөвөрлөө.
ХӨСҮТ-ийн холбогдох албан тушаалтан PCR шинжилгээний хариуг 60 мянган төгрөгөөр үнэлж, “борлуулж” байгаа мэдээллийг эх сурвалж өгсөн байна. Нэг үгээр тухайн иргэн ямар нэг шинжилгээ өгөхгүйгээр “сөрөг” гэх хариуг 60 мянган төгрөгөөр худалдаж авдаг гэх мэдээлэл гараад байгаа юм.
Энэ бол улс даяараа эрсдэлд орж буй хэрэг юм. Хэцүү цаг үед ард иргэдийн ганц итгэж байгаа байгууллага ийм “хор” найруулж байгаа нь ихээхэн айдас дагуулаад байна.