Мэдээ Онцлох мэдээ

Хөвсгөлд халдвартай нь батлагдсан долоон иргэнийг аймгийн нэгдсэн эмнэлэгт эмчилнэ

Тус газраас “Хөвсгөл аймагт коронавирусийн халдварын 7 тохиолдол батлагдсан. Эх уурхай нь Улаанбаатар хотоос хүнс тээвэр эрхэлдэг, Хөвсгөл аймгийн Цэцэрлэг суманд оршин суух хаягтай жолооч болох нь тогтоогдсон. Тухайн иргэн гуравдугаар сарын 9-нд нийслэл хотод PCR шинжилгээгээ өгөөд хариу нь сөрөг гарсны дараагаар Завхан аймгийн Согоотоор дамжин Хөвсгөлийн Цэцэрлэг суманд ирсэн. Түүний гэр бүлийн болон ойрын хавьтлын зургаан хүний түргэвчилсэн шинжилгээний хариу эерэг гарсан тул аймгийн PCR шинжилгээний лабораторид шинжлэхэд мөн эерэг гарсан. Хариуг баталгаажуулахаар Эрдэнэт хот руу илгээхэд хариу батлагдсан байна.

Үүссэн нөхцөл байдлын улмаас аймгийн Онцгой комисс хариу арга хэмжээг авч байна.

Халдвартай нь батлагдсан долоон иргэнийг аймгийн нэгдсэн эмнэлгийн халдвартын тасагт хэвтүүлэн эмчлэхээр шийдвэрлэсэн.

Одоогоор ойрын болон дам хавьтал гэх 300 орчим хүнд тандалт хийж байна. Цэцэрлэг суманд үйл ажиллагаа явуулж буй төрийн болон төрийн бус байгууллага, сургууль, сургуулийн дотуур байрныхан зэрэг 500 гаруй хүний нэрсийн жагсаалтыг гаргаж шинжлэх шаардлагатай байгаа юм. Үүнд тодорхой баг томилж, тус суманд ажиллуулна.

Халдвартай нь батлагдсан долоон хүний хоёрт нь халуурах шинж тэмдэг илэрсэн бол таван хүнд ямар нэг шинж тэмдэг илрээгүй байгаа” хэмээн мэдээлэв.

Санал болгох

“Алтан Дорнод”-ын Т.Ганболдын ах Т.Ариунболд урлуулсан Хангарьд шувуугаа бусдад дээрэмдүүлжээ

uuganaa90

УИХ-ЫН ГИШҮҮН Т.БАДАМЖУНАЙ: ШҮҮХИЙН ШИЙДВЭР “БАДАМЖУНАЙ ИЙМ АСУУДАЛД ХОЛБОГДООГҮЙ” ГЭЖ ГАРНА

uuganaa90

1300 төгрөг хулгайлаад 10 жилийн ял сонссон П.Ариунцэцэг нэг жилийн дараа суллагджээ

uuganaa90

PEOPLE AWARDS АРГА ХЭМЖЭЭ АМЖИЛТТАЙ БОЛЛОО

uuganaa90

Цагийн сайханд хөтлөлцөөд гүйдэг байлаа

uuganaa90

Жижигхэн хүний жингүйдсэн хариултууд

uuganaa90

Сэтгэгдэл бичих

error: Хуулбарлахыг хориглоно !!!