Uncategorized Амьдрал Мэдээ Онцлох мэдээ Папараци СЕНСАЦИ Фото мэдээ

Ц.Мянганбаяр шоронд байхдаа хүсэлтээ өгч, О.Пүрэвдуламаас гэрлэлтээ онлайнаар салгажээ


Ц.Мянганбаяр 2021 онд шүүхээс зургаан жилийн ял авсан. Ял авахаасаа өмнө О.Пүрэвдуламаас холдож салсан ч гэрлэлтээ цуцлуулаагүй байсан юм байна. Ингээд ял эдэлж байх хугацаандаа өөрөө хүсэлтээ өгч, О.Пүрэвдуламаас салах өргөдлөө гаргажээ. Ийнхүү тэдний гэрлэлтийг онлайнаар цуцалж, шоронд байхдаа эхнэрээсээ салсан анхны хүнээр Ц.Мянганбаяр тодорлоо. Харин Ц.Мянганбаяр хоёр жил ял эдлээд, 2023 оны намар Ерөнхийлөгчийн өршөөлөөр шоронгоос суллагдсан юм.
Тодруулбал, “Монгол газар корпорейшн” ХХК-ны захирал Ц.Мянганбаяр, Х.Даржаа нарыг залилах гэмт хэргийг гэрээгээр халхавчлан хуурч, зохиомол байдлыг зориудаар бий болгон бодит байдлыг нуух замаар бусдыг төөрөгдөлд оруулж, амьдралын эх үүсвэрээ болгох гэмт хэргийг үйлдсэн гэм буруутайд тооцон Эрүүгийн хуулийн тусгай ангийн 17.3 дугаар зүйлийн 3 дахь хэсгийн 3.1 дэх заалтад зааснаар /Залилах/ гэмт хэрэгт яллах дүгнэлт үйлдсэн байдаг.
Ийн 2021 оны гуравдугаар сарын 19-нд Баянгол дүүргийн эрүүгийн хэргийн анхан шатны шүүх тэднийг гэм буруутайд тооцож, Ц.Мянганбаярт зургаан жил, Х.Даржаад 5.6 жилийн хорих ял оноож, нээлттэй хорих ангид эдлүүлэхээр шийдвэрлэсэн.
Ц.Мянганбаярын өмгөөлөгч Д.Батсүх, Л.Түвшинцэнгэл, Г.Батбаяр, Х.Даржаагийн өмгөөлөгч Г.Должинсүрэн нарын гаргасан гомдлыг үндэслэн тус шүүх 2021 оны зургаадугаар сард хэлэлцээд анхан шатны шүүхээс оноосон ялыг нь хэвээр үлдээж байв.
Ерөнхийлөгч энэ жил гурван хүнийг өршөөсний нэг нь Ц.Мянганбаяр аж. Тодруулбал, Ерөнхийлөгч залилангийн гэмтэй хоёр, бусдын эрүүл мэндэд санаатайгаар гэмтэл учруулсан нэг хүнийг өршөөлд хамруулан үлдсэн ялаас нь хэлтрүүлсэн байна.

Санал болгох

О.Батнайрамдал: Лу.Гантөмөрийн нэр дэвшсэн газарт нь би очиж нэр дэвшинэ

uuganaa90

Т.Бадамжунайн хамаатан, газрын наймаачин Н.Болорчулууныг шалгах хэрэгтэй‼️⁉️

uuganaa90

А.Сүхбат аваргын усны дусал шиг адилхан хүүхдүүд

uuganaa90

Брэнд болон алтаар гоёсон хос TripleX-ийг өнгөлөв

uuganaa90

“Алтан Дорнод”-ын Т.Ганболдын ах Т.Ариунболд урлуулсан Хангарьд шувуугаа бусдад дээрэмдүүлжээ

uuganaa90

УИХ-ЫН ГИШҮҮН Т.БАДАМЖУНАЙ: ШҮҮХИЙН ШИЙДВЭР “БАДАМЖУНАЙ ИЙМ АСУУДАЛД ХОЛБОГДООГҮЙ” ГЭЖ ГАРНА

uuganaa90

Сэтгэгдэл бичих

error: Хуулбарлахыг хориглоно !!!