Хоёр эмэгтэйн нэг нь нөгөөтэйгөө зүй бус харьцаж буй нүд хальтрам бичлэг олон нийтийн сүлжээнд цацагдсан. Хохирогчоор хөлөө үнсүүлж, “би чамд хайртай” гэж хэлүүлэн, тохуурхаж байсан нь олон нийтийн дургүйцлийг ихээхэн хүргэсэн билээ. Хүчирхийллийн гэмт хэргийн шинжтэй уг бичлэгийг цагдаагийн байгууллагаас шалгаж эхэлжээ.
Тодруулбал, уг бичлэгийг цацсан иргэнийг олж тогтоон оршин суудаг хаягийн дагуу Багануур дүүргийн Цагдаагийн хэлтэст шалгаж эхэлсэн байна. Цагдаагийн байгууллагаас бичлэгт гарч буй иргэнийг Э гэдэг эмэгтэй болохыг тогтоожээ.
