Хөвсгөл аймгийн Тосонцэнгэл сумын нутагт орших Сэлэнгэ мөрнийг гаталж явсан завь хөмөрч, долоон хүн нас баржээ. Тус завинд нийт 10 хүн зорчиж явсан бөгөөд осол гарсан тухай дуудлагыг 20:23 цагт дээрх аймгийн Онцгой байдлын газарт ирүүлсэн байна. Улмаар холбогдох албаныхан очиж, шуурхай арга хэмжээ авч, Хөвсгөл аймгийн Мөрөн, Төмөрбулаг, Рашаант сумын харьяат 10 хүн Тосонцэнгэл сумын Тээл багаас Рашаант сум руу явах замдаа осолдсоныг тогтоожээ. Амиа алдсан долоон иргэн 62, 50, 38, 32, найман настай, таван сартай хүүхэд байжээ. Харин 38, 16, гурван настай зорчигч голын эрэгт эсэн мэнд гарсан байна.
Одоогоор усанд осолдсон иргэдийн цогцсыг эрэн хайх ажиллагаа үргэлжилж байна.