Тэднийг хэн 11 насны зөрүүтэй гэх юм бэ. Ч.Ундралыг хар л даа, жаахан охин шиг өргөн өмд, сул цамц, саравчтай малгай өмсөөд, сандал дээр гарч зогсон “Татар” дээр ёстой л дур зоргоороо эрх чөлөөгөө мэдэрч байв. 1980-аад оны охид ийм л байдаг даа.
Эмэгтэй хүн, эрдэнийн чулуу хоёр жижигхэн байх тусмаа чамин байдаг гэж нэгэнтээ өөрийгөө дөвийлгөж байсан Ч.Ундрал үе мултрах шахсан нөхөртэй хэрнээ яг л үеийн мэт харагдаж байгаа нь түүний авьяас, ур чадвар, хөдөлмөртэй холбоотой юм уу даа. Мэдээж наснаасаа залуу, үзэсгэлэнтэй харагдахад маш их хөдөлмөр, хичээл зүтгэл хэрэгтэй. 40+ насанд ийм хэмжээний байж чадна гэдэг ёстой л гайхамшиг.
Соёлын яамны Кино урлагийн зөвлөлийн ажлын албаны даргаар ажилладаг бүсгүй ийнхүү яг л жаахан охин шиг нөхөртөө эрхэлж, сархадыг тааруулж донжтой хэрэглэж буй нь цаанаа л эгдүүтэй харагдаж байсан. Харин Д.Даваадорж халамжтай, сайн ханийн дүртэй, даруухан сайхан залуу байдаг аж. Хосууд энэ үдшийг яг л өөрсдөдөө зориулсан мэт дүүлэн нисч, хөөрөн баясаж харагдсан. Баяр хүргэе, амьдралд нь аз жаргал бүгдийг хүсэн ерөөе.
